Аријана Гранде донираше милион долари: Заздравувањето не е лесно, но вреди да се потрудите
Популарната пејачка Аријана Гранде реши да донира милион долари заради психолошка терапија, во соработка со компанијата BetterHelp.
Аријана смета дека психолошката терапија треба да биде достапна за секого, а не привилегија што ја имаат само одредени луѓе.
Со оваа постапка, пејачката сакаше да ги охрабри луѓето на кои им е потребна помош и да им каже дека не е срамота да се бара поддршка и совет од психолози и психијатри.
,,Се надевам дека ќе ја искористите оваа можност и ќе ја посетите страницата преку која ќе бидете поврзани со овластен психолог еден месец. Потоа ќе имате можност да ја обновите претплатата и да продолжите со терапија. Се надевам дека ова ќе биде корисна почетна точка и дека ќе направите простор за ова во вашиот живот. Заздравувањето не е лесно, но вреди да се вложи труд и време. Му благодарам на BetterHelp и едвај чекам да направиме повеќе работи заедно” – напиша пејачката.
Патем, компанијата со која пејачката го презеде овој потфат, BetterHelp, е портал кој им овозможува на посетителите директен пристап до услугите за ментално здравје. Тие обезбедуваат психолошка терапија преку Интернет, телефонски повици или пораки.