Брус Вилис никогаш не сонувал дека повторно ќе се заљуби: неговата 23 години помлада сопруга и неговата поранешна одлично се согласуваат
– Ја почитувам многу. Ме прифати во нејзиното семејство исто како што јас ја прифатив во моето – сегашната сопруга на Брус Вилис го коментираше нејзиниот однос со неговата поранешна сопруга Деми Мур
Американскиот актер Брус Вилис се разведе од актерката Деми Мур во 2000 година по 13 години брак, а актерот во тој момент немаше идеја дека повторно ќе се заљуби.
Имено, сè се смени во 2007 година кога преку заеднички пријател ја запозна манекенката Ема Хеминг. И покрај фактот дека таа е 23 години помлада од него, парот се вљуби на прв поглед.
Застанаа пред олтарот две години подоцна на церемонијата во Беверли Хилс, а меѓу многу познати гости беа и поранешната сопруга на Вилис, Деми и нејзиниот тогашен сопруг Ештон Качер. Ќерките кои Брус ги доби со Деми, Румер, Скаут и Талула, исто така беа на венчавката и сите им се восхитуваа на хармоничното семејство и нивното пријателство и покрај разводот на славните актери.
Ема и Брус го добија своето прво заедничко дете во 2012 година, ќерката Мејбел и две години подоцна се роди Евелин. По десет години брак во 2019 година, среќната двојка ги обнови своите завети на романтична церемонија.
– Мислам дека од првиот момент почнавме да се почитуваме и тоа е тајната на нашиот хармоничен брак. Тој ме тера да се смеам. Тој е смешен и паметен и поради него секогаш сум одлично расположена – изјави Ема во едно интервју пред неколку години.
Деми Мур никогаш не била пречка за нив, токму спротивното. Одлично се согласила со новиот сопруг на нејзиниот поранешен сопруг и токму тоа е причината што целото нивно семејство функционира одлично.
– Ја почитувам многу. Таа ме прифати во нејзиното семејство исто како што јас ја прифатив во моето – го коментираше Ема нејзиниот однос со Деми.
Минатата година сите стравуваа дека нивната љубов е завршена кога Брус Вилис објави дека е во изолација со Деми Мур и нивните деца.
Сепак, тоа беше невообичаено за сите освен за нив, а подоцна тие само рекоа дека фактот дека Брус поминува време со Деми не е воопшто чуден. Неговите постари ќерки, исто така, коментираа за односите во семејството и за тоа како сите се согласуваат, а тие неколку пати истакнаа дека се среќни што сè функционира добро и дека нема да го менуваат семејството за ништо.