Дали знаевте дека најпознатата песна на Витни Хјустон требало да ја испее Елвис Присли?

Популарната икона на кантри музиката Доли Партон, добитничка на Греми, ја напишала песната „I Will Always Love You“ во 1974 година. Елвис Присли сакал да ја сними својата верзија на песната, но безуспешно.

Класичната љубовна песна „I Will Always Love You“, има историја која се протега со децении наназад. Доли Партон првпат ја објави песна што ја напишала во 1974 година и таа веднаш стана хит на топ листите.

Повторно ја отпеа песната во мјузиклот „The Best Little Whorehouse in Texas“ во 1982 година и повторно стана хит број еден.

Една деценија подоцна, песната повторно стана хит кога ја обработи Витни Хјустон за филмот „Телохранител“.

Во 2021 година, Доли Партон откри во емисијата „Watch What Happens Live With Andy Cohen“ дека искористила дел од хонорарот што го заработила од таа снимка инвестирајќи во деловен комплекс во претежно црнечка населба во Нешвил, Тенеси.

Малку е познато дека и Елвис Присли сакал да ја сними таа песна, во неговата верзија, но Доли Партон никогаш не му дала шанса. Доли не сакаше да се откаже од правата на споменатата песна. Елвис беше популарен во седумдесеттите години и предложи Доли Партон и тој да ги споделат правата за објавување на песната „I Will Always Love You“, но Доли одби.

– Присила, сопругата на Елвис, ми рече дека Елвис и ја отпеал мојата песна кога се развеле. Тоа длабоко ме допре. Тие исто така ја отсвиреа песната на погребот на Витни Хјустон. Тогаш помислив дека ќе ја свири истата песна и кога мене ќе ме нема – истакна Доли Партон.