Дејвид се пошегува, а Викторија Бекам објави видео кое го погледнаа 4 милиони луѓе (ВИДЕО)

6 јули, 2021
b202e4ad2113decca9c69d63ab82aa55c030324c

Викторија и Дејвид Бекам се во брак повеќе од две децении, а годишнината ја прославија викендов.

Бракот на Викторија и Дејвид Бекам се смета за еден од најстабилните во светскиот џет-сет. Целиот нивни заеднички живот го следеше јавноста како реално шоу, но тоа не ги спречи да ја прослават 22-та година од бракот викендов!

Викторија и Дејвид Бекам секогаш се облекувале како близнаци

Дејвид Бекам беше првиот кој објави серија фотографии од почеток до крај на својот Instagram профил. Имено, тие отсекогаш биле интересни, а за тоа придонел не само фактот дека тој бил најпопуларниот британски фудбалер, а таа член на музичка група, туку и начинот на облекување.

Тие често носеле иста боја и материјал. Таква е легендарната слика во која и двајцата се облечени во виолетова боја, а целиот свет ја погледна и фотографијата на која и двајцата носат црна кожа.

– По 22 години, сè уште ја прилагодуваме гардеробата! Среќна годишнина, многу те сакам и ти благодарам што ми ги даде овие прекрасни деца со кои можеме да носиме иста гардероба – се пошегува Дејвид Бекам.

Селфињата на Бекамови во лозјето

Дејвид Бекам подоцна објави заедничка слика од прославата. Поточно, двајцата направија селфи во лозјето во кое се наоѓа ресторанот.

Викторија подоцна објави носталгично видео со најубавите делови од нивното заедничко минато.

– Те сакам, Дејвид. Среќна годишнина – напиша Викторија.

Прво се роди Бруклин, па се венчаа

Викторија и Дејвид Бекам се венчаа на 4 јули 1999 година, по две години врска. Поточно, тие се свршија во јануари 1998 година и го добија првиот син Бруклин во март 1999 година. Бруклин беше единственото дете кое присуствуваше на свадбата на своите родители.

Бекамови стануваат баба и дедо

Бекамови ги прославија првите 20 години од бракот во Версајскиот дворец во 2019 година со изнајмување на целиот простор.

– Ние сме многу строги родители и децата отсекогаш знаеја каде се границите – неодамна изјави Дејвид Бекам, кој наскоро ќе стане дедо благодарение на Бруклин.