ДРУГАТА СТРАНА НА ПАРИЧКАТА: Томас Маркл бара да го интервјуира Опра

Томас Маркл, таткото на 39-годишната војвотка од Сасекс Меган Маркл, ја замоли Опра Винфри да го интервјуира за неговиот спор со неговата ќерка, со која не разговарал од 2018 година, поточно од венчавката на Меган и 36-годишниот принц Хари.

Томас Маркл, 76, побара „да ја каже својата страна на приказната“ во писмото доставено до Си-Би-Ес, сето тоа откако се појави во емисијата „Good Morning Britain“ и експлозивното интервју дадено од Меган и Хари на Опра Винфри. Томас Маркл во емисијата изјави дека очајно сака да разговара со својата ќерка и да се смири со неа, а исто така призна дека нивната врска нагло се влошила во пресрет на нејзината венчавка.

„Томас и испрати писмо на Опра во кое ја бара да го контактира, за да може да ја раскаже својата страна на приказната. Ова не беше белешка за Меган и Хари, туку за Опра. Томас го гледаше интервјуто што го направи со нив и смета дека заслужува шанса да даде свое мислење “, изјави неименуван извор за The Sun.

За време на интервјуто со Опра, Меган изјави дека е многу повредена од вмешаноста на нејзиниот татко во споделување на нејзините фотографии до медиумите, а нејзиниот татко сепак застанал на страната на кралското семејство по објавувањето на интервјуто. ‘Имам голема почит кон кралското семејство и не мислам дека тие се расисти. Не мислам дека Британците се расисти, мислам дека Калифорнијците се расисти, луѓето од Лос Анџелес исто така, но Британците не се “, рече Маркл, 76.