Им се заканува полициска истрага и казна: Кристијано Роналдо ги избриша снимките од својот профил, но потегот на Џорџина Родригез ги изненади сите
Додека неговите момчиња од Јувентус го играа натпреварот, Кристијано Роналдо уживаше со својата привлечна свршеница во алпскиот град Курмајер. Снимките од таму можеби немаше да привлечат такво внимание да не беше регион во Италија кој е изложен на ризик од коронавирусот. Очигледно исплашен од полициска истрага и казна, Кристијано Роналдо реши да избрише сè од својот профил, но Џорџина не го стори истото.
Италијанската полиција го истражува Кристијано Роналдо и неговото потенцијално кршење на здравствените прописи наметнати поради коронавирусот, откако тој, наводно, отпатувал во ризичната област Вале Д’Аоста. Со својата вереница, фудбалската sвезда ги помина вторникот и средата во алпскиот град Курмајер каде го прославија 27-миот роденден на Џорџина Родригез.
Како доказ, тие треба да ги користат објавените видеа и фотографии од парот кој седи на моторна санка, што во меѓувреме ги отстраниле од Instagram. Но, не доволно брзо.
Причината поради која се покрена таквата потера е тоа што во Италија, владина одлука во моментов забранува движење помеѓу регионите што се наоѓаат во „портокаловата зона“, во која спаѓаат Пиемонт и Вале Д’Аоста.
Сепак, драстичната парична казна, но и онаа на дисциплинскиот суд во Серија А, воопшто не ја загрижува атрактивната Џорџина. Откако сите ги објавија можните последици, таа им возврати на пасторите со провокативно видео снимено во загреан базен.
На видеото, таа и Кристијано Роналдо се бакнуваат во базенот, по што тој излегува и натрупува снег врз себе. Кога нозете му беа покриени до половина со снег, се врати во загреаниот базен. Покрај тоа, Џорџина Родригез на значаен начин напиша: „Просветли нè“.