КАРОЛИНА СИ ЗАМИНА ОД ЊУЈОРК: “Нашите дружења секогаш завршуваат со песна“ (ФОТО и ВИДЕО)
2 март, 2021
Каролина Гочева го заврши престојот во Њујорк каде што нејзиниот сопруг Михаил Корубин неодамна ја имаше својата прва самостојна изложба. На испраќање музичките уметници пијанист Дуке Бојаџиев и кларинетистот Исмаил Луманоски договорија средба во продавницата за музички инструменти „Клавирхаус“, па сосема очекувано дружењето како и секогаш, заврши со песна. Истата онаа, која триото ја изведе на концертот на Дуке пред три години во тогашната „Метрополис Арена“ – баладата „Празно е без оваа љубов“, чиј автор е таткото на Дуке, покојниот д-р Тодор Бојаџиев, а оригинално ја отпеала Верица Ристевска.
„Нашите дружења секогаш завршуваат со песна“, напиша Каролина споделувајќи го видеото од прекрасната изведба во „Клавирхаус“.
Преземено од ulica.mk