РУСКАТА БАЛЕРИНА ИЗВЕДЕ ПРЕКРАСНА СЦЕНА ОД ‘ЛЕБЕДОВО ЕЗЕРО’ НА -15 СТЕПЕНИ: Таа не го стори тоа за лајкови, причината е всушност многу великодушна!

Балерината се надева дека нејзиниот настап ќе ги охрабри властите да ги спасат вистинските лебеди што се гнездат во тој залив.

Руската балерина, член на светски познатиот Марински театар од Санкт Петербург, изведе сцена од балетот на Пјотр Илич Чајковски „Лебедово езеро“ во замрзнат дел од Финскиот Залив и на температура од минус 15 Целзиусови степени.

Балерината Илмира Баграутинова објасни дека на овој начин сака да изрази противење на изградбата на пристаништето во заливот Батареинаја, популарна плажа која се наоѓа на околу 100 километри западно од Санкт Петербург, вториот по големина руски град.

Таа го објави видеото на Интернет.

Таа за новинарката на Би-Би-Си, Екатерина Венедиктова изјави дека се надева дека нејзиниот настап ќе ги охрабри властите да ги спасат вистинските лебеди што се гнездат во тој залив.