КЕЈТ ВО САМОИЗОЛАЦИЈА: Војвотката последно беше видена на Вимблдон

Палатата Кенсингтон потврди дека војвотката од Кембриџ мора да оди во самоизолација по контакт со лице позитивно на КОВИД-19. Според правилата во Велика Британија, контактите со потврдени случаи на коронавирус мора да се стават во карантин на десет дена. Поради можна инфекција, Кејт Мидлтон нема да може да присуствува на богослужба во катедралата Свети Павле и најавената забава за чај во Бакингемската палата со војводата од Кембриџ во понеделник кога се слави 73-годишнината од постоењето на Националната здравствена служба.

„Минатата недела војвотката од Кембриџ стапи во контакт со некој кој последователно беше позитивен на КОВИД-19. Нејзиното височество нема никакви симптоми, но ги следи сите упатства на владата и е дома во самоизолација “, рече нејзиниот портпарол. Последното јавно излегување на војвотката беше во петокот на Вимблдон, каде гледаше натпревари на еден од надворешните терени, а исто така го посети и тенискиот музеј на тревникот Вимблдон без да ја извади маската за лице. Исто така, таа беше тестирана пред пристигнувањето и тестот беше негативен.

Инаку, Кејт Мидлтон ја прими првата доза на вакцина за коронавирус кон крајот на мај, која ја објави на социјалните мрежи. Судејќи според временската рамка, таа најверојатно добила втора доза, но не ја информирала јавноста за тоа. Исто така, палатата Кенсингтон не соопшти која вакцина е дадена на кралскиот пар, но бидејќи тие се под 40 години, тие имаат право на вакцинација со Pfizer / BioNTech или AstraZeneca / Oxford. Принцот Вилијам, од друга страна, го прележа Ковид-19 на почетокот на минатата година кога се изолираше во семејната куќа Анмер Хол во Норфолк.