Кети и Орландо на чекор до голема одлука: „Сега е вистинското време“

Убедени се дека можат да живеат со две малечки

Пејачката Кети Пери и нејзиниот 44-годишен сопруг, актерот Орландо Блум, го добија своето прво заедничко дете во август минатата година. Нивното семејство стана побогато за девојчето Дејзи Доув. Двојката ужива во родителството, па сега размислуваат да имаат уште едно бебе. Извор откри дека Кети се обидува да остане повторно бремена. 36-годишната пејачка верува дека сега е вистинското време за уште едно дете, бидејќи нејзината бременост може да биде ризична подоцна поради годините.

„Не е им е прерано. Кети е зафатена околу работата, но Орландо ѝ помага многу околу Дејзи. Двајцата се убедени дека можат да живеат со две мали деца. Тие се надеваат дека Кети ќе остане бремена до првиот роденден на Дејзи “, изјави извор за странските медиуми. Покрај ќерката со Кети Пери, Блум од претходниот брак со 38-годишната манекенка Миранда Кер го има и десетгодишниот син Флин.

Инаку, Кети и Орландо се свршија во февруари минатата година, но мораа да ја одложат планираната венчавка во Јапонија поради избувнувањето на пандемијата. Пејачката своевремено рече дека пандемијата има позитивна страна за нив, бидејќи таа и нејзиниот свршеник станале уште повеќе поврзани. „Постигнавме врска на некое ново и повисоко ниво. Не ни очекувавме толку многу љубов еден кон друг, но се случи чудо откако се роди нашата ќерка “, изјави таа за странските медиуми.

Но, пандемијата им отежнуваше дружење и посета на нивната ќерка. Чекаа да се смири целата ситуација за да можат нејзините пријатели да ја запознаат. „Ја покажуваме Дејзи преку Face Time затоа што не можеме поинаку“, рече Кети.