Кои се денес најплатените манекенки? Износите се вртоглави, нема да верувате кој е на прво место!
Светот на моделирање е суров свет. Многу девојки ширум светот се обидуваат да добијат барем 5 минути слава и можност да прошетаат по една од најексклузивните модни писти, но само неколку успеваат во тоа.
Да се успее и да се пробие во светот на моделирањето не е лесно, но не е и невозможно. Потребно е да се има изглед на начин на кој индустријата очекува да изгледа типичен модел, но и да има малку среќа. Да се биде на списокот на најбарани и платени модели е нешто што многу девојки би сакале. Ако порано беа Наоми Кембел, Линда Евангелиста, Синди Крафорд, а потоа Андријана Лима, Жизел Бундшен и други, кои се најплатените модели во моментот, и, која е главната, онаа што заработува најмногу во модната индустрија?
Бела Хадид (заработка од 8,5 милиони долари) и Џиџи Хадид (заработка од 9,5 милиони долари) се меѓу првите 10 најплатени модели, но – тие не се во првите 5. Ниту Кара Делавињ, која го зазема 6-то место со заработка 10 милиони долари.
Оваа листа се менува секоја година, но моменталната листа на топ 5 модели според заработка изгледа вака.
- Жизел Бундшен (10,2 милиони долари)
Иако веќе има 40 години, Жизел е една од најбараните модели. Таа важи за една од најплатените модели од 2001 година, а неколку пати беше на списоците на најбогати жени во шоу-бизнисот. Списанието „Vogue“ ја „прогласи“ за најзаслужна за ставањето крај на „хероин-шик ерата“ во моделирањето во 1999 година, заменувајќи ја со нејзиното секси тело, облини и златен тен. Таа беше „Ангелот на Викторија“ од 1999 до 2007 година, потпишувајќи еден од најскапите договори во деловната историја на компанијата.
До јули 2018 година, се појави на повеќе од 1.200 насловни страници ширум светот.
Таа се забавуваше со актерот Леонардо ди Каприо пет години и важи за неговата најсериозна врска. Во 2006 година, таа започна врска со Том Брејди, американски фудбалер. Тие се венчаа во 2009 година и имаат две деца.
Таа е поборник за здрава храна од растително потекло.
- Роузи Хантингтон Вајтли (11,5 милиони долари)
Британскиот модел важи за една од најатрактивните жени во светот. Ужива во природен изглед, се залага за минимализам, а како трендсетер нагласува дека убавината е во едноставност. „Атрактивните парчиња облека не ја истакнуваат вашата убавина, туку го свртуваат вниманието кон себе“, често кажува таа.
34-годишната манекенска манекенка влезе и во актерскиот свет, а од 2010 година е во врска со актерот Џејсон Статам, со кого има син, роден во 2017 година.
- Криси Тајген (заработка од 11,5 милиони долари)
Овој 35-годишен модел е исто така телевизиска личност, автор и бизнисмен. Како модел, таа се прослави на насловните страници на „Sports Illustrated“, но брзо започна да работи во бројни телевизиски емисии.
Во 2016 година, таа објави книга со рецепти, која стигна до списокот на бестселери на „Њујорк Тајмс“ и беше втора најпродавана книга на тема рецепти, таа година.
Таа е во брак со музичарот Џон Леџенд од 2013 година. Тие се венчаа по шест години врска, и се запознаа на снимањето на спотот за неговата песна, во која таа играше негова партнерка.
- Карли Клос (13 милиони долари)
Американската манекенка, која од францускиот „Вог“ беше прогласена за една од најдобрите 30 модели на годината уште во 2000 година, кога имаше само 17 години. До 2019 година се појави на 40 насловни страници на „Вог“ ширум светот.
Таа е амбасадор на многу брендови, а се појавува и како домаќин во реални програми поврзани со модата.
Во март годинава го роди своето прво дете со сопругот Џошуа Кушнер, чиј брат е оженет со Иванка Трамп.
- Кендал Џенер (22 милиони долари)
Американски модел и личност од ријалити шоуа, таа ја започна својата кариера во рекламни кампањи за печатот, а доживеа голем успех во 2015 и 2016 година, шетајќи по модните писти за големи модни дизајнери на пистите во Њујорк, Париз и Милано.
Веќе во 2015 година, Кендал се најде на листата на најбогати модели на Форбс, на 16-тото место, заработувајќи 4 милиони долари годишно, а во 2017 година, таа беше 15-та по позната личност на Инстаграм.
Фактот дека е дел од „кланот Кардашијан“, секако придонесува за нејзиниот успех и побарувачка, и за огромната заработка. Моментално на Инстаграм ја следат неверојатни 160 милиони луѓе.