КОЈ ЌЕ ГО НАСЛЕДИ БОГАТСТВОТО НА ПРИНЦОТ ФИЛИП: Кралицата Елизабета ќе добие најголем дел од имотот?

По погребот на принцот Филип, британските медиуми се занимаваа со темата за наследството на неговиот имот. Принцот остави зад себе богатство проценето на 10 милиони фунти, кое делумно го заработи за време на неговата кариера во морнарицата, и не треба да се заборави дека како член на кралското семејство, тој заработуваше околу 400 илјади фунти годишно. Покрај тоа, тој инвестираше во недвижнини, акции, уметнички колекции и ретки книги со Кралицата.

Кралското семејство не ја откри содржината на тестаментот на принцот, а познато е само дека неговата кочија и понија ќе бидат наследени од неговата внука Лејди Луис, 17-годишната ќерка на принцот Едвард, која споделуваше иста страст кон коњите и кочиите и тој сам ја научил.

Дел од неговиот имот ќе го наследат неговите четири деца, принцовите Чарлс, Едвард и Ендру и принцезата Ана, но се претпоставува дека повеќето припаѓаат на кралицата Елизабета.

Иако се очекуваше дека принцот Едвард ќе ја наследи својата титула, таа ќе му биде доделена на Чарлс, кој ќе му ја пренесе на Едвард кога ќе стане крал.

Покрај тоа, целиот имот што кралицата ќе го добие по смртта на Филип ќе го наследи Чарлс од неа, така што тој ќе биде оној кој на крајот ќе го добие најголемиот дел од богатството на неговиот татко.

Исто така се шпекулира дека Филип оставил дел од имотот на хуманитарни организации што ги поддржувал, пишуваат британските медиуми.