КРАЛОТ НА РОКОТ БИЛ И КРАЛ НА ПРЕДИГРАТА Играле лекар и пациент со својата сопруга
Малку познати детали од животот на Елвис Присли
Кралот на рокенролот или едноставно King. Дури и 44 години по смртта на Елвис Присли, деталите од неговиот приватен живот продолжуваат да ја интересираат јавноста. Едно од поглавјата е секако бракот со неговата сопруга која имала само 14 години кога се запознале. Тој, 10 години постар од неа, ја запроси и тие се венчаа во 1967 година, а една година подоцна ја добија ќерката Лиза Мари.
Сепак, неговиот брак не го спречи да биде со други жени, особено со млади, невини девојки. Во книгата „ Elvis Presley: A Southern Life “, авторот Џоел Вилијамс наведува дека Елвис немал самодоверба во креветот, а многу од неговите љубовници тврделе дека кралот на рокенролот е преценет на тоа поле.
Славниот музичар со години носеше девојки во својата палата во Палм Спрингс и организираше голи забави на базен, но неговата сопруга никогаш не беше поканета на нив. Еден од неговите поранешни соработници откри дека го нарекле Елвис „крал на предиграта“ затоа што допирите и чувствата што претходеле на самиот сексуален чин биле „поважни од самиот секс“. „Тој и сопругата често играа лекар и пациент, но носеа и други девојки во спалната соба. Елвис беше многу вешт додворувач. Кога тој сакаше, тој можеше да создаде илузија за секоја девојка дека таа е единствената во светот за него “, се наведува во книгата.
„Тој беше многу симпатичен и совршено се бакнуваше, но во кревет не беше пастув каков што очекував да биде. Не можеше да биде природен поради сите лекови што ги пиеше “, се довери актерката Сибил Шеферд, која имаше кратка врска со него. Откако во 1968 година се роди неговата ќерка Лиза Мари, Елвис Присли повеќе не сакаше да спие со сопругата. „Тој менуваше жена по жена, исто како што ги менуваше лекарите за да му препише разни таблети. Во тој хаос, тој не успеа да преиспита каде грешеше и како да ја преземе контролата над неговиот живот“, откри еднаш новинарката Алана Неш.