Македонските јавни личности се простуваат од Марина Туцаковиќ: „Имав желба да ми напишете песна, онаа која сите ќе ја пејат“

По тешко боледување, на 67 годишна возраст почина најпознатиот регионален текстоипец, Марина Туцаковиќ.

Имено, во 2018 година на Марина и беше дијагностицирано рак на дојка и отогаш се бори со тешката болест. Претходната недела на Туцаковиќ и се влоши здравствената состојба, беше позитивна на коронавирус и ставена на респиратор.

За жал, таа ја изгуби битката со опасната болест.

Туцаковиќ е најпознатиот текстописец во регионот, има напишано голем број хитови за Лепа Брена, Драгана Мирковиќ, Јелена Карлеуша, Цеца Ражнатовиќ, Дара Бубамара, Ана Николиќ, Аца Лукас и многу други.

Српските естрадни уметници со емотивни пораки преку социјалните мрежи се простуваат од жената за која велат дека таква никогаш нема да се роди и жената која како скенер ги познавала нивните души.

Од Туцаковиќ преку „Инстаграм“ се простуваат и македонските јавни личности споделувајќи нејзини познати, мудри цитати.