Најголемиот светски заводник пристигнува во Србија: Џони Деп ќе биде во близина на Милош Биковиќ, а ова е несекојдневен повод

Истакнатиот холивудски актер цони Деп, како што пренесуваат медиумите следната недела, треба да пристигне во српскиот главен град по повод промоцијата на анимираната серија произведена во Србија „Пафини“, во продукција на компанијата „Архангел студио“, а создадена во „Џерволино студио “(ИЕС).

Директорот и основач на продуцентските компании „Jervolino & Lady Bacardi Entertainment“ и „Jervolino studios“ посочи во кој капацитет ќе биде доаѓањето на Деп во Белград.

“Многу сум среќен бидејќи, и покрај непредвидените настани во светот, успеав да го исполнам ветувањето што го дадов минатата година, а тоа е дека Џони Деп ќе дојде во Белград, како наш гостин. Едвај чекам да бидам со него и Милош. Со Биковиќ, како наш стратешки партнер, ќе и го претставиме на јавноста во Србија она на што работевме во изминатата година“.

За време на посетата на Белград, Џони Деп, Андреа Џерволино и дамата Моника Бакарди, како и Милош Биковиќ, ќе го претстават својот најнов заеднички проект реализиран со поддршка на Министерството за култура и информации на Република Србија.

За Деп ова не е прво доаѓање во Србија, пред тоа имал соработка и со режисерот Емир Костурица, и холивудската sвезда честопати за време на јавните настапи истакнува дека во Србија и на Балканот се чувствува како дома, а според мислењето на публиката, тој е добредојден гостин.