Некои велат – СОВРШЕНА Е, други се шокирани од нејзиниот реален изглед: Целулитот на Ирина Шајк ги раскара фановите онлајн!

Деновиве славната Русинка Ирина Шајк не ја гледаме на папарацо фотографии од Њујорк и на прошетки со својата ќерка Леа, бидејќи ужива на одмор во Европа. По престојот во Грција и Италија, Ирина скокна во Шпанија, а во моментов се забавува на Ибица со познатиот дизајнер и нејзиниот најдобар пријател Рикардо Тиши.

Таму беа направени фотографии од волшебната Ирина, кои со брзина на светлината ги обиколија светските медиуми, и на кои ја гледаме Ирина на една, очигледно, нималку гламурозна плажа како ужива во шармот на летото во едноставно кафеаво бикини. Ирина, како и обично, изгледа волшебно, но како што обично се случува кога ќе се појават нечии фотографии во костим за капење, наскоро се појавија ловци на целулит. Затоа на социјалните мрежи се појавија многу остри коментари, а меѓу оние кои не се воодушевени од фактот дека убавата Русинка – како и речиси секоја жена на планетата – има целулит, има и една Србинка.

„Изгледа како тетка ми. Толку пари и тренери и повторно целулит задник, и не кажувајте дека е до годините затоа што сум три години постара и ги немам овие испакнатини на задникот. Значи, изгледот на жената е работа, а таа очигледно јаде нездрава храна и не оди во теретана“ – напиша твитерџиката.

Наскоро пристигнаа голем број одговори на нејзиниот твит, а многу девојки напишаа дека и тие имаат целулит, иако тренираат напорно и се хранат здраво, па затоа не треба да бидат премногу остри кон Ирина Шајк.

Ги имаше и оние духовити, од кои едната си посака за себе:

• За волја на Бога, да имав такви испакнатини на нејзина возраст!

Целулитот е всушност слоеви на масни наслаги кои се нередовно распоредени во пределот на задникот, бутовите и другите делови од телото, што ги прави видливи. Обично започнуваме да го забележуваме по 25 -годишна возраст, а тоа е се повеќе кога жената се приближува до менопауза, бидејќи нивото на естроген се намалува, па доаѓа до акумулација на масно ткиво и задржување на течности.

Истражувањата покажаа дека целулитот влијае на околу 90 проценти од жените на планетата. Ако сте една од 10% од оние што го немаат – ви честитаме за генетиката и за работата што ја вложивте за да се ослободите од него. Сепак, дали сте го имале или не, едно е сигурно, не ве засега нечиј целулит, нели? 🙃