„Некој човек ме повика да седнам на неговата маса, тоа беше Кијану Ривс“: Најљубезните славни личности во Холивуд
Еден корисник на Reddit прашал кои се најљубезните познати личности со кои се сретнале другите корисници на таа социјална мрежа. Луѓето веднаш започнаа да ги споделуваат своите приказни за средби со познати актери, музичари, комичари и други.
За некои, тие луѓе платија паркинг и вечери, додека други добија можност да се фотографираат со нив и неколку убави зборови.
1. Еден пријател и јас останавме на настапот на Дејв Чапел до раните утрински часови. Тој нè покани следниот ден да играме кошарка со него, па ја изнајми целата сала на еден час. Ни плати за овошни смути и ни даде билети за настап следната вечер. Одлично момче, исто како што е на ТВ “.
2. „Немаше слободно место во кафулето, па некое момче ме покани да седам на неговата маса. Седнав и сфатив дека тоа е Кијану Ривс. Потоа разговаравме нормално за стрипови во следните половина час“.
3. „Кога имав само две или три години, честопати гледав постар човек во продавница со мало бело куче. Еден ден тој ми пријде и ми даде корпа за храна. Тој рече дека можам да го шетам кучето низ продавницата и да ја наполнам корпата со слатки што подоцна ги плати. Наскоро стана рутина за нас. Тој човек беше Џин Вајлдер, а јас добив бонбони од самиот Вили Вонка! ”
4. „Рајан Гослинг еднаш плати за мојот билет за паркирање на булеварот Холивуд. Тој само што излегуваше од паркингот, а ние паркиравме. Разговаравме лежерно и кратко, тој беше заинтересиран од каде сум и со кого сум тука. „Имаш 40 долари само за паркирање? Сигурно си богат“, рече тој на шега. „Не грижи се за паркирање, ти плаќам цел викенд. Забавувај се!“ додаде тој. Тој е неверојатно симпатичен и кул“.
5. „Бев на свадба на еден пријател во Лас Вегас и требаше само да се фотографираме групно. ‘Еј! Дали е ова свадба? Може ли и јас да се сликам? ’, праша момче кое ни пријде од позади. Сите веднаш се налутија и малку изненадија од таквиот упад, а потоа сфативме дека станува збор за Том Хенкс! Се сликаше со нас и беше многу пријатен и прекрасен “.