ОДБИВАЛА ДА ЈА НАПУШТИ КУЌАТА ПО ПОРОДУВАЊЕТО: Ретко појавување на убавицата која исчезна од медиумите поради нејзиното семејство
Како изгледа денес Ева Мендес, позната убавица која жареше и палеше на медиската сцена?
Уште откако се повлече од актерството и се посвети на семејниот живот, 47-годишната Ева Мендес го избегнува вниманието на медиумите и ретко се појавува во јавноста. Сепак, папараците ја фатија пред неколку дена додека беше на шопинг низ продавниците во Беверли Хилс, па не успеа да се сокрие под маската.
Шеташе низ градот со прилично опуштена облека, со неуредна фризура и развеан цветен фустан што ја истакна нејзината прекрасна фигура, и иако со години не глуми во филмови, не се променила од врвот на кариерата кога беше позната како една од најубавите жени во светот.
Ева се појави во спотовите на Вил Смит и Пет Шоп Бојс во доцните 1990 -ти во кои беше забележана од агенти и на тој начин ја започна својата холивудска кариера. Првиот филм во кој глумеше беше хорор филмот „Деца од пченка 5: Полиња на хорор“ во 1998 година, и имаше значајни улоги во голем број филмови. На сетот во 2011 година, таа го запозна нејзиниот сегашен сопруг, 40-годишниот актер Рајан Гослинг.
Двојката се венча во тајност и никој сѐ уште не знае точно кога и каде, а по венчавката Ева одлучи да се посвети на семејниот живот и го напушти актерството. Таа го роди своето прво дете, ќерката Есмералда, на 42 -годишна возраст, а две години подоцна, ќерката Аманда. По породувањето, таа одби да ја напушта куќата, откри тогаш извор близок до актерката. Наводно, страдала од агорафобија (нарушување што означува страв од отворен простор), а самата откри во 2017 година дека ужива да го поминува времето дома.
Во ретките интервјуа што ги даде по повлекувањето од јавноста, нагласи дека ужива во мајчинството и дека, на жалење на многубројните обожаватели, нема намера да се врати на актерството.
„Она што луѓето не го знаат за мене е дека навистина уживам да сум дома. Наместо да се сликам на црвениот тепих, сакам да минувам време со моите девојки “, рече таа еднаш, потврдувајќи дека свесно ја занемарила актерската кариера поради семејството и воспитувањето на децата, иако во тоа време беше на својот врв.