Парис Хилтон се огласи за контроверзната маица: „Никогаш не ја носев, тоа е Фотошоп“
Во понеделникот, по скоро 10 години, Парис Хилтон (40) реши да негира фотографија на која изгледа како да носи маица на која пишува „Stop being poor“, односно „Престани да бидеш сиромашен“.
„Сигурна сум дека претходно сте ја виделе оваа слика на Интернет“, го започна видеото Парис, пред да објасни дека станува збор за фотошопирана фотографија.
Набргу откако го објави видеото на ТикТок, на Твитер добила порака од авторот на контроверзната монтажа.
„Жал ми е. Јас навистина не мислев ништо лошо во тоа, јас бев само глупаво дете со Фотошоп“ – објасни Jubilee, која во 2013 година ја сподели сликата на својот блог Tumblr.
Откако беше искористена монтажата во таблоид, тоа предизвика шок и се прошири повеќе отколку што очекуваше авторот.
Парис го прифати извинувањето и ги покани Jubilee да учествуваат на нејзиниот подкаст, за да објасни како се случило тоа.
„Не мислев дека некој ќе поверува дека е реално, бидејќи кога ќе го видам изгледа очигледно лажно“, објасни уметникот.
Хилтон го заврши своето видео покажувајќи ја вистинската маица која ја носеше „STOP BEING DESPERATE“ на забава во Лос Анџелес во 2005 година.
„Не верувајте во сè што ќе прочитате“, им рече на своите следбеници.