Пепа посилна од Канје Вест: Албумот на анимираното прасе доби подобри оценки од „Donda“
Американскиот рапер Канjе Вест неодамна го објави својот нов студиски албум „Donda“, а сајтот „Pitchfork“, кој ги оценува музичките новитети, му даде пониска оценка на раперот од музичкиот албум од цртаниот филм „Peppa Pig“.
Се покажа дека Пепа, симпатичното прасе од цртаните филмови што ја гледаат деца во 180 земји низ целиот свет, беше рангирана подобро од Канје.
На официјалниот Твитер профил на Пепа Прасето, се појави порака во која раперот беше жестоко критикуван за пониската оценка, а твитот беше избришан многу брзо.
they deleted this tweet but i cant let it be forgotten pic.twitter.com/lpp1AfnE0i
— habetrot big chungus (@manglegrove) September 1, 2021
„Пепа не мораше да организира забава на стадион за да добие подобра оценка, за 0,5“ – пишуваше во сега избришаниот твит.
Првиот албум на Пепа Прасето, креативно наречен „Мојот прв албум“, доби огромна популарност на Интернет летото 2019 година, кога корисниците на Интернет се обединија за да го зголемат бројот на прегледи.
Долгоочекуваниот и неколкупати одложуван албум „Donda“ постави рекорд како најслушан албум во рок од 24 часа на една стриминг платформа.
Од друга страна, Вест го најави својот албум пред две години. Тој, исто така, организираше три големи јавни слушања што се одржаа во Атланта, Лас Вегас и Чикаго, каде што гостите можеа да слушнат некои од песните, и помина некое време на стадионот Мерцедес-Бенц во Атланта за да се фокусира на процесот на снимање.
Објавувањето на албумот беше официјално објавено на Инстаграм неколку часа претходно од неговиот менаџер.