По долгото отсуство повторно „на местото на злосторството“: Амал и Џорџ Клуни со близнаците побегнаа во Италија

Дали има подобра причина за семејно патување во куќата што ја поседуваат на италијанското езеро Комо, отколку четвртиот роденден на нивните близнаци Ел и Александар. Неодоливите деца го прославија својот роденден во неделата на 6 јуни, уживајќи во сите придобивки на вилата лоцирана на езерото.

Заради пандемијата, семејството на Џорџ Клуни веќе долго време е далеку од Италија, земјата што многу значи за него и неговата Амал, бидејќи тие таму ја легализираа својата врска, а некои од најубавите денови ги поминаа во вилата на Езерото Комо.

Затоа не е изненадување што соседите едвај чекаа семејството Клуни да се врати во нивната вила, а добро упатен извор за магазинот „Пипл“ изјави дека 60-годишниот оскаровец Џорџ Клуни и неговата сопруга, познатата адвокатка за човекови права Амал, пристигнале во петокот во неговата вила за одмор.

Со нив биле и нивните близнаци, синот Александар и ќерката Ел, кои таму го прославија четвртиот роденден во неделата на 6 јуни.

“Минатото лето не беа на езерото Комо и ова е првпат во последните две години да бидат повторно во Италија. Изгледаа пресреќни што повторно се тука, а нивните пријатели, со кои не се видоа поради пандемијата, беа пресреќни што пристигнаа“, открил добро информиран извор.