ПРЕСВРТ ВО ДВОРЕЦОТ: Големо помирување е на повидок, експертите тврдат – бебето ќе ги реши сите проблеми!
Меган зборуваше и за раѓањето во видеото прикажано на настанот Vax Live, што е дел од глобалната кампања за вакцинација.
По тој повод, Меган изјави дека таа и Хари се воодушевени што „наскоро ќе ја пречекаат нивната ќерка“.
„Го споделуваме тоа чувство на радост со милиони други семејства ширум светот. Кога мислиме на неа, мислиме на сите млади жени и девојки на кои мора да им се даде можност и поддршка да нѐ водат напред. Нивното идно раководство зависи од одлуките што ги донесуваме и активностите што ги преземаме сега, така што сите ќе имаме успешна, фер и сочувствителна иднина за нив“ – рече Меган.
Ниту Хари не ја крие возбудата, кој во март за CBS News откри колку е среќен поради раѓањето.
„Имаме момче, а доаѓа девојче, што друго би можеле да бараме? Сега имаме семејство, ние четворицата и нашите две кучиња“ – рече Хари.
Изворот открил дека Хари е многу загрижен за Меган и не ѝ дозволува да работи премногу за време на бременоста.
Кралскиот експерт тврди дека доаѓањето на нов член на семејството ќе биде значаен настан за целото кралско семејство.
Може ли раѓањето на нов член на семејството да ја запре расправијата во кралското семејство?
Кралскиот експерт Ник Булен вели – да!
„Раѓањето на бебето е секогаш одличен повод за повторно обединување на семејството и сигурен сум дека роднините ќе сакаат да слават со Хари и Меган“ – рече тој за US Weekly.
„Сосема сум сигурна дека Хари и Меган ќе го претстават нејзиното 11 внуче на кралицата преку видео повик.“
Според експертите, она што може да го приближи семејството е името што ќе го добие бебето.
Кети Николс, новинарка и експерт за кралското семејство, рече дека верува дека Хари и Меган веројатно знаат како ќе ја наречат ќерка им.
„Мислам дека тие ќе сакаат да го користат името „Дијана“ Можеби не како име, но сигурна сум дека е високо на списокот на средни имиња“ – изјави таа.
Како што вели, тоа било прекрасен начин Хари да и оддаде почит на својата трагично загината мајка.
„Иако Шарлот, ќерката на принцот Вилијам и Кејт Мидлтон, има средно име Дајана, тоа не ги спречува Хари и Меган да и го дадат на својата ќерка“, рече таа.