Принцот Хари најави нов голем проект кој никој не го очекуваше, но што ќе каже кралското семејство за сето тоа?

Принцот Хари е еден од креаторите и извршните продуценти на шоуто за ментално здравје „The Me You Can Not See“, кое ќе се снима заедно со медиумскиот магнат и водителка Опра Винфри, а неговото емитување ќе започне наскоро и нема да биде бесплатно.

Хари (36) објави во видео во кое предупредува дека повеќето луѓе носат некаква форма на нерешена траума, загуба или тага. Тој навести дека во емисијата ќе зборува за сопственото ментално здравје и загубата на неговата мајка, принцезата Дајана, како и за сè што поминал откако Меган Маркл стана дел од британското кралско семејство, односно негова сопруга.

Во повеќеделното шоу ќе бидат емитувани и интервјуа со пејачката Лејди Гага, актерката Глен Клоуз и ѕвездите на НБА, Демар Дерозан и Ленгстон Галовеј, кои ќе се обидат да им помогнат на гледачите со проблеми со менталното здравје и емоционална благосостојба. Ќе се дискутираат културата, возраста, полот и социоекономскиот статус за да дестгматизира една сосема погрешно разбрана тема и да им обезбеди на гледачите надеж, кажувајќи им дека не се сами во своите борби.

Шоуто треба да започне да се емитува на 21 мај, објави Опра Винфри преку соопштение за јавноста, како и на социјалните мрежи, а Хари рече дека се надева дека неговиот последен проект ќе покаже дека има сила во секоја ранливост.

Веста доаѓа два месеци по шокантното интервју што Хари и Меган само што го снимија со Опра, во кое меѓу другото разговараа за сопствените борби со менталното здравје.