Шон Пен одби да снима додека целата екипа на серијата не се вакцинира против корона

Актерот е решен да ги вакцинира сите што работат на серијата „Gaslit“

По враќањето од проекцијата на неговиот филм „Ден на знамето“ во Кан, Шон Пен донесе одлука што одекна во светската јавност. Имено, славниот актер одлучи да не ја снима серијата „Gaslit“, во која игра со Џулија Робертс, сè додека целиот тим што работи на оваа реализација не се вакцинира против вирусот.

Според „Deadline“, многу заразната варијанта на Делта сојот е доволно „бесна“ што Лос Анџелес повторно наметна носење маски во затворен простор, а случаите меѓу невакцинираните повторно растат на алармантно ниво низ цела Америка.

Пен инсистирал на тоа дека вакцината треба да биде задолжителна за секого, дури и преку неговата организација CORE, секој што не е вакциниран да биде вакциниран бесплатно, пренесуваат светските медиуми.

Е-поштата, во која актерот бара вакцинирање, беше испратена до тимот во средата, во која известија дека има достапна клиника на лице место, која обезбедува бесплатни вакцини против корона вирусот. Во меморандумот се наведува дека се достапни неколку избори за вакцини. Од членовите на производството исто така беше побарано да обезбедат докази за вакцинација.

Дури кога ќе бидат исполнети сите овие услови, Шон Пен е подготвен повторно да снима.