Принцот Хари е исмеван за деталите на фотографијата со која се откри дека тој чека уште едно дете со Меган
На фотографијата каде Меган Маркл го покажа трудничкиот стомак, еден дел од телото на принцот Хари украде внимание.
Принцот Хари и Меган Маркл на Денот на вљубените открија дека очекуваат уште едно дете, а среќната вест беше придружена со нивната нова фотографија на која Меган го покажа трудничкото стомаче.
Црно-белата фотографија на која Меган лежи на тревата со главата во скутот на Хари е направена од фотографот Мисан Хариман, кој ја искористил на својот Инстаграм за да им честита на парот, а на многумина им пречи еден детал на фотографијата.
Имено, социјалните мрежи беа преплавени со смешни коментари за голите и валкани нозе на Хари, кои го украдоа целото внимание на фотографијата.
“Честитки за Хари и Меган … но дали имаше сериозна потреба Хари да биде бос на фотографијата?”, “Некој мора да купи чевли на принцот Хари. Ужасни стапала”, се само некои од многуте коментари под фотографијата, и покрај тоа што објавата собра скоро 100 илјади лајкови за само 15 часа.
Покрај стапалата на Хари, обожавателите на кралското семејство забележаа врска и со принцезата Дијана.
Имено, Хари и Меган објавија дека го чекаат своето второ дете на истиот датум кога пред 37 години се дозна дека покојната принцеза е бремена и го носи принцот Хари.