РОМАНТИКА ВО ИТАЛИЈА: После Купер, Лејди Гага кокетира со глумецот од Star Wars!
Сите се сеќаваме на „искрите“ што „летаа“ меѓу Бредли Купер и Лејди Гага, а многумина се надеваа дека „тоа нешто“ меѓу нив не е само добро осмислена кампања за филмот „A Star is Born“ за кој и двајцата беа номинирани за Оскарите.
Нивниот настап на Оскарите во 2019 година ќе остане запаметен засекогаш.
Згора на тоа, се чинеше дека имаме нова холивудска врска кога Купер, кратко по прикажувањето на филмот со Гага, раскина со моделот Ирина Шајк, а многумина веруваа дека причината е нова романса со Гага, но таа што всушност ги поби овие обвинувања, велејќи дека сето тоа било со цел да се промовира нивниот заеднички филм.
Дали Гага повторно игра на истата карта допрва ќе се види, но негативците би можеле да кажат дека на девојката, ако ја има, на Адам Драјвер, не ѝ се пишува добро, ако споредите како заврши убавата Ирина.
Имено, Лејди Гага објави фотографија на Инстаграм со Адам Драјвер, со кого моментално го снима филмот „House of Gucci!“ во Италија.
Пејачката е sвезда на овој нов филм на Ридли Скот, а во него ќе ја игра Патриша Реџани, поранешната сопруга на внукот на легендарниот дизајнер и италијански бизнисмен Гучио Гучи, Маурицио, кој го игра актерот Адам Драјвер (37).
„Signore e Signora Gucci“, напиша Гага покрај нивната заедничка фотографија од снимањето, која ја објави на социјалните мрежи и на која и двајцата не се препознатливи.
Филмот ќе ја раскаже приказната за убиството на Маурицио Гучи, кој беше пронајден мртов во 1991 година на скалите на зградата во Милано каде се наоѓаше неговата канцеларија. Реџани беше осудена и затворена во 1995 година за убиство на нејзиниот поранешен сопруг и помина 18 години во затвор и беше ослободена во 2016 година.
Иако не е типичен холивудски убавец, жените лудуваат за Адам откако го играше Кајло Рен во „Star Wars“, а големо внимание привлече и со улогите во филмовите „Silence“ и „Marriage Story“.
Филмот „House of Gucci!“ треба да се појави во кината на 24 ноември 2021 година.