СЕМЕЈСТВОТО РАСТЕ Децата на Бен Афлек возбудени што ќе ги запознаат близнаците

6 јуни, 2021
profimedia-0514277465

Вајолет, Серафин и Самуел имаат причина да се радуваат

Кога фотографиите на 51-годишната музичарка Џенифер Лопез и 48-годишниот актер Бен Афлек направени на романтичен одмор во луксузен хотел во Мајами го обиколија светот пред околу десетина дена, многумина беа шокирани и изненадени од глетката. Гласините за обновената романса тогаш се покажаа вистинити, и иако сè уште официјално не ја коментираа нивната врска, поранешните свршеници сега повторно се една од главните теми на многу медиуми, но и на јавноста која сè уште не се оладила од наглото прекинување на последната свршувачка на Џенифер со поранешниот бејзбол играч Алекс Родригез, која се сруши пред точно месец и половина.

jennifer lopez

И без оглед дали Бен и служи само како утеха или во него го гледа вистинскиот што го бараше сите овие години, музичарката, според странските медиуми, во моментов гледа сериозно на целата врска, па наскоро таа и актерот треба да ги обединат и нивните семејства. Според „Нова идеја“, децата на Бен од претходниот брак со актерката Џенифер Гарнер, 15-годишната Вајолет, 12-годишната Серафин и деветгодишниот Самуел со нетрпение го очекуваат моментот кога официјално ќе се сретнат со новите членови на семејството – 12-годишните близнаци Ема и Макс кои Џеј Ло ги доби со музичарот Марк Ентони.

„Децата на Бен, главно ќерките, се многу возбудени што нивниот татко ја најде својата сродна душа во Џенифер. Всушност, тие цело време навиваа за обновување на таа романса и сега едвај чекаат да ги запознаат своите нови полубрат и полусестра“, изјави неименуван извор за споменатите медиуми, објаснувајќи дека ова трио е прилично опуштено и прилагодливо на разни ситуации.

Ben Affleck

Сепак, за разлика од Вајолет, Серафин и Самуел, 12-годишните близнаци се сè уште малку повлечени и ќе им треба малку повеќе време за да се прилагодат на новата ситуација. ‘Ема и Макс се многу чувствителни деца и во последните неколку години тие се приврзаа многу со ќерките на Алекс Родригез со кои живееја под ист покрив. Сè уште е свежо за нив и сè уште се навикнуваат на ситуацијата кога ги загубија своите две сестри преку ноќ, па ќе им треба време да видат ново семејство кај децата на Бен и него’, заклучи изворот за Нова идеја.