Среќна вест на Денот на вљубените: Меган Маркл и принцот Хари објавија дека го очекуваат второто дете!

„Можеме да потврдиме дека Арчи ќе биде поголем брат“, изјави портпаролот на парот

Војводата и војвотката од Сасекс, принцот Хари и Меган Маркли го очекуваат своето второ дете, потврди портпаролот на парот.

Принцот Хари и Меган се подготвуваат да го/ја пречекаат братот или сестрата на нивниот едногодишен син Арчи.

– Можеме да потврдиме дека Арчи ќе биде поголем брат. Војводата и војвотката од Сасекс се пресреќни што го чекаат своето второ дете, изјави портпаролот.

Веста доаѓа откако Меган откри во ноември минатата година дека претрпе спонтан абортус тоа лето.

Двојката ја напушти својата улога во кралството во март 2020 година во потрага по лична и финансиска слобода, а сега живее во Монтечито, Калифорнија.

Новото бебе ќе биде осмо по ред за тронот. Првите седум места ќе останат непроменети – принцот од Велс, војводата од Кембриџ, принцот Џeорџ, принцезата Шарлот, принцот Луис, Хари и Арчи.