„Страшно е“: Славниот глумец поминал три месеци во болница заради тешка операција
Метју Пери, кој е најпознат во светот по улогата на Чендлер во серијата „Friends“, ги шокираше сите со запуштениот изглед.
Неговиот очув, Кит Морисон, откри дека Метју имал многу тешка операција во 2018 година, поради што поминал три месеци во болница, но од која не се опоравил целосно.
„Во тоа време имавме шанса да поминеме многу време со него, што мислам дека беше добро за сите. Ужасно е кога луѓето сериозно се разболуваат, треба да се оперираат и да се грижат дали да преживеат или не. Тоа нè поврза уште повеќе. Сите моравме да бидеме таму за да го извлечеме од тоа“ – рече очувот на актерот.
Тој истакна дека Метју сега се чувствува многу подобро, како и дека работи на нови проекти:
„Успехот на серијата Пријатели го изненади Метју, како и сите нас. Воопшто не ме чуди што тој беше избран за таква улога. Улогата на Чендлер точно одговара на неговата посебна смисла за хумор. Дали го напишале знаејќи дека тој е како тој лик или го прилагодиле повеќе на себе, не знам. Веројатно е комбинација од сè. Тој е надарена душа и многу паметно и добро момче“ – заклучи неговиот очув.