„ТОЈ Е КАКО ТЕМПИРАНА БОМБА“: Том Круз веќе не може да го контролира бесот

Американскиот актер и продуцент Том Круз, наводно, достигнал точка на пукање по уште еден хаос на снимањето на филмот „Невозможна мисија 7“. Во декември минатата година, во јавноста протече аудио запис од сетот, во кој 58-годишниот Круз се слуша како им вика на членовите на тимот кои не ги почитуваат епидемиолошките мерки, и оттогаш, тврди изворот, тој станува лут сѐ повеќе и повеќе.

„Пандемијата беше тешка за сите – Том храбро продолжи да снима, но никој не знае кога целосно ќе се распадне. Тоа е како темпирана бомба. Филмот требаше да биде готов веќе, но Том е перфекционист и тој ќе ги прави работите до совршенство – без оглед на цената “, рече изворот, кој исто така го потенцира фактот дека и самиот актер носи половина од трошоците на филмот.

Круз, кој го игра агентот Итан Хант, се плаши дека поради пандемијата, филмот нема да биде хит на бокс-офисот и дека тоа многу ќе влијае на неговата кариера. Во интервју за новиот број на британското месечно Empire, тој потврди дека сè потешко се справува со пандемијата и ја коментираше ситуацијата кога од сетот му викаше на тимот и му се закануваше дека ќе го отпушти.

„Во тој момент ризикувавме многу. Но, не стануваше збор за целиот тим, туку само за неколку луѓе. Сите тие емоции ми поминуваа низ главата. Размислував за луѓето со кои работам, како и за целата филмска индустрија. Сакав целата филмска екипа да знае дека фактот што правевме филм беше големо олеснување. Морам да ви кажам, беше многу емотивно за мене “, објасни Круз.

Немири на сетот предизвика и неговата наводна врска со колегата од филмот Хејли Атвел, со кого, според странските таблоиди, бил по снимањето. Но, не требаше многу време за светот да открие дека Атвел има момче, па затоа Круз не е воодушевен. Всушност, актерот експлодира секогаш кога некој ќе го праша дали му се допаѓа неговата колешка.

Mission Impossible е една од најголемите франшизи во Холивуд, а лансирањето на новото продолжение е закажано за 27 мај 2022 година.