Витилиго е нејзиниот заштитен знак: Познатата манекенка прошета во необичен фустан за GQ наградите

Церемонијата за доделување на наградите GQ „Маж на годината“ се одржа во Лондон, каде што се појавија многу светски sвезди. Церемонијата беше организирана во Тејт Модерн во главниот град на Велика Британија.

На овој настан се појави и познатата манекенка Вини Харлоу, која во оваа прилика одлучи да облече портокалова тоалета која одлично и прилега, бидејќи нејзиното витилиго стана заштитен знак, израз на уметност и прифаќање на различностите. Покрај сето ова, таа искомбинира обетки во златна и црвена боја, како и чевли во слична нијанса како нејзините обетки и фустан. Тоалетата е потпишана од Андреас Кронталер за Вивиен Вествуд.

На церемонијата се појавија многу познати жени, кои сакаа да ги засенат сите што го следеа овој настан со своите фустани, но се случи интересна ситуација кога две славни дами носеа исти фустани за овој настан, Сабрина Елба и Ан-Мари Роуз Николсон.