Дали и како вакцините против Ковид-19 влијаат врз плодноста кај мажите

Сакам наскоро да станам татко – дали треба да се вакцинирам или не? Како вакцината влијае на плодноста, тестисите, квалитетот на спермата? Ова е друго прашање што многу луѓе си го поставуваат себе си и своите лекари овие денови, додека се спроведува масовна имунизација против Ковид-19. Еве што велат експертите

Истражувањата започнаа…

Во декември минатата година, истражувачите од Медицинскиот факултет на Универзитетот во Мајами Милер започнаа студија за истражување на влијанието на вакцината Pfizer / BioNTech врз плодноста кај мажите. Ова е прва студија од ваков вид. Целта е да се утврди дали има и кои се ефектите од вакцината Ковид-19 Pfizer-BionTech врз машката сперма. Д-р Ранџит Рамасами, професор по репродуктивна урологија на Универзитетот во Мајами кој го води истражувањето, за американските медиуми изјави:

– Врз основа на механизмот со кој работат вакцините против mRNK, не очекуваме дека тие ќе влијаат на плодноста кај мажите. Но, ние ги сакаме податоците по истражувањето и ја потврдуваме таа хипотеза.

Во студијата учествувале мажи на возраст од 18 до 50 години.

„Нашата цел е да го проучиме производството на сперма и квалитетот на спермата кај мажите кои размислуваат за потомство или сега или во иднина и тие ќе ја добијат вакцината“, рече д-р Даниел Насау, уролог од Универзитетот во Мајами.

– Сакаме да видиме дали имало намалување на производството или пад на квалитетот на спермата. Ќе го разгледаме примерокот на сперма пред учесниците да ја земат вакцината, а потоа повотрно по три и шест месеци по вакцинацијата. Спроведувањето на такво истражување е важно за јавноста што сака информации за вакцината Ковид-19, која е одобрена за итна употреба.

– Многу е важно сите ширум Светот да примаат вакцина. Се надеваме и сметаме дека оваа студија ќе помогне да се потврди безбедноста на вакцината во однос на машката плодност – велат истражувачите додавајќи дека ќе имаат прелиминарни податоци околу пролетта 2021 година. Значи, сè уште нема прецизен одговор дали и како вакцината влијае на плодноста кај мажите.

Меѓу другото, треба да се напомене дека истите експерти претходно откриле дека самата болест Ковид-19 влијае на квалитетот на спермата.

– И ние и другите истражувачи ширум Светот потврдивме дека вирусот корона може да влијае на производството на сперматозоиди во тестисите. Покажавме дека долго по исчезнувањето на инфекцијата и кога мажите кои го преживеале вирусот станаа асимптоматски, вирусот може да продолжи да останува во тестисите. Значи, сметаме дека останува отворено прашањето како козидот влијае на плодноста и секако вреди да се истражува во идните студии – велат истражувачи од Мајами.