Дали мажите се женат од љубов или кога е вистинското време? Еве што велат за тоа

Ако вашето момче некогаш ве напуштило, вашите пријатели сигурно ве тешеле со „како понекогаш работите едноставно не функционираат“ или „дури и ако се чувствувате како да сте создадени еден за друг – не бил вистинскиот тајминг!“

Со други зборови, можеш да сакаш некого и тој те сака исто толку, но тоа не е секогаш доволно за да доведе до венчавка.

Тоа од прилика е како приказната за кокошката и јајцето: дали сакаме да се венчаме кога ќе ја најдеме вистинската личност, или сакаме да се венчаме со оној што е сега со нас, но дали конечно сме подготвени? За да се разоткрие мистеријата, Тони Таун ги праша мажите на Twitter што мислат за оваа тема.

Пред да кажете „апсурдно е, времето е секогаш точно ако ја пронајдете вистинската личност“, погледнете дел од одговорите што мажите и ги испратија. Откако нејзиниот твит стана популарен, таа сподели коментари од некои мажи со сите: „Вистина е! 100% – сакав една жена повеќе од било кого, но едноставно не се чувствував подготвен, така што никогаш не направив ништо. Неколку години подоцна, јас сум подготвен, но сега таа ја планира својата венчавка “. „Накратко, да се скратам: се оженив за жена која ми помогна да го излечам срцето откако ме напушти жената која неизмерно ја сакав – поради друг маж, бидејќи не бев подготвен“.

Одговорите што Тони ги сподели на Twitter се збир на жалење, пропуштени врски, но и среќен крај. Најдобро од сѐ е сознанието дека нема два брака еднакви, па дури и ако постои начин да се открие кога е вистинското време, никој не знае како изгледа.

На кратко, излегува дека љубовта и бракот се многу комплицирани!