Дали сексот согорува исто калории како и вежбањето? Експертите велат дека е мит!

Кога помислувате на физичка активност, можеби ви паѓаат на ум активности како трчање, кревање тегови или пливање, но што е со водењето љубов?

Веројатно веќе сте слушнале дека сексот може да биде и „тренинг“, но неколку студии тврдат дека иако неколку калории се губат во сексот, ваквите тврдења се претерани. Едно истражување кое се занимаваше со губење на калории во сексот, направено на универзитетот Монтреал Труст во Квебек, проучуваше 21 хетеросексуален пар во раните 20-ти, а истражувачите ги следеа нивните трошења на енергија за време на вежбање и за време на сексуални активности.

После сексуалната активност, тие ја оценија нивната перцепција за трошењето енергија и перцепцијата на напор, замор и крајно задоволство. Покрај тоа, учесниците направија 30-минутна вежба за издржливост за споредба.

Резултатите покажале дека мажите согорувале просечно 101 калории (4,2 калории во минута) за време на 24-минутно водење љубов. Жените согорија 69 калории (3,1 калории во минута) под исти услови, а просечниот интензитет беше умерен – 6,0 МЕТС кај мажите и 5,6 МЕТС кај жените. За време на 30-минутната сесија на вежбање со умерен интензитет, мажите изгореа 276 калории, а жените 213 калории. Во крајна линија,сексот не согорува калории како вежба со умерен интензитет, но бројот на потрошени калории е сепак значителен.