Диетата „21 ден“ функционира и без вежбање

Потребно е да се води грижа за исхраната најмалку 21 ден, со цел телото да се навикне.

Доколку сакате да изгубите вишок килограми, не следете диета, туку променете ги навиките во исхраната, е советот на повеќето нутриционисти.

Ригорозните диети работат само на краток рок, а по запирање на строгата диета, килограмите се враќаат со молскавична брзина. Всушност, лесно ќе добиете поголема тежина отколку што сте имале пред диетата. За успешно менување на животните навики, потребно е да се однесувате на одреден начин најмалку 21 ден. Затоа се организираат бројни „диети“ во период од три недели со цел телото и умот да се навикнат на новиот начин на јадење.

Диетите на 21 ден функционираат врз основа исхрана која е ограничена во однос на калориите. Во зависност од тоа колку килограми тежите и колку килограми сакате да изгубите, плановите за диета се движат од 1.200 до 1.500 калории, од 1.500 до 1.800 калории и од 1.800 до 2.100 калории.

Во текот на денот, шест мали оброци се јадат приближно на секои три часа. Акцентот е ставен на необработената целосна храна како што се протеини, витамини и минерали, а внесот на јаглени хидрати е намален.

Дозволено е дури и консумирање на слатки закуски, а бидејќи се јаде помалку калории од вообичаеното, килограмите се топат дури и без вежбање. Се разбира, редовната физичка активност не треба да се избегнува, а резултатите ќе бидат уште подобри ако вклучите пешачење, возење велосипед, одење во теретана или некоја друга форма на вежбање во вашата дневна рутина.

Основната идеја е да се усвојат нови навики во исхраната и да се навикнеме на поздрав начин на живот, што на крајот ќе донесе видливи резултати во огледалото.

Пример за мени од 1 200 до 1 500 калории:

Појадок во 9 часот наутро: 2 варени јајца, мал мафин од овесни снегулки, банана и боровинки (кој сами сте го испекле).

Ужина во 11 часот: 2 лажички путер од кикирики со 1 парче оризови крекери.

Ручек во 13 часот: салата од 115 грама варено пилешко, 150 грама домати, 50 грама свежи пиперки, 100 грама зелена салата, лажица масло и оцет.

Ужина во 15 часот: 12 бадеми.

Вечера во 18 часот: 150 грама мелено месо со печени тиквички, 1 овошје за десерт.

Ужина во 20 часот: мала чинија со печени пуканки.

Пример мени од 1 800 до 2 100 калории:

Појадок во 9 часот наутро: 100 грама овесна каша, 3 лажички путер од бадем, 200 грама свежи бобинки.

Ужина во 11 часот: едно парче интегрален леб со четвртина авокадо и 50 грама домати.

Ручек во 13 часот: 230 грама мелено мисиркино месо со 100 грама домати, 50 грама кромид, 50 грама зелка, 50 грама пиперки, лажица масло и оцет.

Ужина во 15 часот: 1 краставица со 150 мл нискокалоричен грчки јогурт.

Вечера во 18 часот: 200 грама стек, 100 грама варен компир со една лажица маслиново масло, 150 грама варен грав и 50 грама печурки.

Ужина во 20 часот: една средно голема банана.