Губењето на мирис е една од најчестите несакани ефекти на короната, а исто така предизвикува и намалување на либидото

Како резултат на аносмија, 29 проценти од учесниците во истражувањето во 2018 година исто така почувствувале намалена желба за секс: на некои им недостасува мирис на партнерот, додека на другите им пречи несигурноста за мирисот на сопственото тело.

Повеќето болни од коронавирус наведуваат губење на чувството за мирис, феномен познат како аносмија, како еден од симптомите на болеста: покрај тоа што не спречуваше да уживаме во храната, неколкугодишно истражување покажа дека губење на мирис може сериозно да го наруши сексуалниот живот.

Кај 29 проценти од учесниците во студија од 2018 година, како резултат на губење на чувството за мирис, желбата за секс исто така се намалила: некои испитаници доживеале пад на либидото затоа што го пропуштиле мирисот на своите сексуални партнери, додека други биле премногу несигурни за нивните сопствени мириси на телото …

Во неодамнешна американска студија, истражувачите заклучија дека губењето на мирис влијае и на расположението, односно на намалувањето на чувството на задоволство, но оваа студија не докажа дека несаканиот ефект на аносмијата е нужно намалена сексуална активност.

Имено, покрај општото незадоволство, испитаниците чувствувале и „недостаток на сексуална мотивација“, но тие не дозволиле ова да влијае на нивната фреквенција на сексуални односи.

За среќа, досегашното искуство покажа дека губењето на мирис од коронавирус е привремено, а студија објавена во јули минатата година покажува дека 72 проценти од испитаниците Ковид-19 го повратиле чувството за мирис за еден месец од првите симптоми на инфекцијата.

Намалениот сексуален нагон може да биде предизвикан од низа фактори на здравје и начин на живот – како што се депресија, стрес, ниска самодоверба и сл. – така што дури и ако чувствувате дека либидото ви е намалено, прво треба да ја утврдите вистинската причина.

Во меѓувреме, истражувањето покажа некои од најчестите начини на кои луѓето се обидуваат да ја вратат својата желба за секс:

– воведување на подолга предигра

– Испробување нови пози во сексот

– употреба на сексуални играчки

– секс некаде на друго место и во друго време

– „закажан“ секс однапред

– читање еротска литература