Исчистете го црниот дроб со помош на овие 5 намирници!

7 септември, 2021
d3670bd4f2b39068b42255189e3262e8e22ec185

Црниот дроб е моќен орган. Врши основни задачи, од производство на протеини, холестерол и жолчка до складирање на витамини, минерали, па дури и јаглехидрати.

Тој исто така ги разградува токсините како што се алкохолот, лековите и природните нуспроизводи од метаболизмот. Одржувањето на црниот дроб во добра форма е важно за одржување на добро здравје.

Овие 5 намирници треба да се консумираат за здрав црн дроб.

  1. Кафе

Кафето е еден од најдобрите пијалоци што можете да ги пиете за да го подобрите здравјето на црниот дроб. Истражувањата покажаа дека пиењето кафе го штити црниот дроб од болести, дури и кај оние кои веќе имаат проблеми со овој орган. На пример, студиите постојано покажуваат дека пиењето кафе помага да се намали ризикот од цироза или трајно оштетување на црниот дроб кај луѓе со хронични заболувања на црниот дроб.

  1. Чај

Се смета дека чајот е корисен за здравјето, но доказите покажаа дека може да има посебни придобивки за црниот дроб. Јапонска студија покажа дека пиењето 10 чаши зелен чај дневно е поврзано со подобрени крвни индикатори за здравјето на црниот дроб. Една мала студија за луѓе со безалкохолни масни заболувања на црниот дроб покажа дека пиењето зелен чај со висока содржина на антиоксиданти во текот на 12 недели го подобрува нивото на ензимите на црниот дроб, а исто така може да помогне во намалување на оксидативниот стрес и масните наслаги во црниот дроб.

  1. Грејпфрут

Грејпфрутот содржи антиоксиданси кои природно го штитат црниот дроб. Двата главни антиоксиданси кои се наоѓаат во грејпфрутот се нарингенин и нарингин. Неколку студии на животни откриле дека и двете го штитат црниот дроб од повреди. Заштитните ефекти на грејпфрутот се познати на два начина – помагаат да се намали воспалението и да се заштитат клетките.

  1. Грозје

Грозјето, особено црвеното и виолетовото грозје, содржат голем број корисни растителни соединенија. Најпознат е ресвератрол, кој има бројни здравствени придобивки. Многу студии на животни покажаа дека грозјето и сокот од грозје можат да бидат корисни за црниот дроб. Студиите откриле дека тие можат да имаат различни придобивки, вклучително и намалување на воспалението, спречување на оштетување и зголемување на нивото на антиоксиданси.

  1. Маслиново масло

Маслиновото масло се смета за здрава маст поради многуте здравствени придобивки, вклучително и позитивни ефекти врз срцето и метаболизмот. Сепак, има позитивни ефекти врз црниот дроб. Едно мало истражување на 11 лица со NAFLD покажа дека консумирањето една лажичка (6,5 мл) маслиново масло дневно го подобрува нивото на ензимите во црниот дроб и маснотиите. Исто така, го зголеми нивото на протеини поврзано со позитивни метаболички ефекти.