Како да се ослободите од горчливиот вкус на краставиците?

Не ретко се случува да загриземе, навидум совршена краставица, а потоа да се разочараме од нејзиниот непријатен, горчлив вкус.

Без оглед колку внимание посветувате на изборот на краставици во продавницата, оваа ситуација понекогаш е едноставно неизбежна.

Главниот виновник е органската состојка на краставица која се собира во лисјата, стеблата и корените.

За жал, нејзината способност понекогаш да го достигне самиот плод може да ни создаде проблеми, иако оваа ситуација не се случува толку често. Поради недостаток на вода или високи температури, краставиците можат да создадат поголема горчина, затоа обично се препорачува да се отстрани лушпата на краставицата бидејќи токму во неа се собираат повеќето состојки што ќе предизвикаат горчлив вкус.

Сепак, повеќето хранливи материи се наоѓаат во лушпата и семето, па затоа отстранувањето не е најдобро решение.

За среќа, постои едноставен трик со кој можете да се ослободите од горчливиот вкус без да ја жртвувате лушпата и хранливите материи од краставиците.

• Темелно измијте ги краставиците, а потоа исечете мал дел од нивните краеви.
• Потоа вратете го исеченото парче во краставицата и започнете да ги триете едно од друго.
• Наскоро ќе се појави бела пена – продолжете да триете уште неколку минути додека не престане да се формира белата пена.
• Повторете го процесот на другиот крај од краставицата, исплакнете добро и уживајте во вкусот.