Куба одобри уште две свои вакцини за Корона вирусот
22 август, 2021
Куба одобри употреба на уште две вакцини против корона вирусот, кои се развиени од локални научници.
Властите во Куба соопштија дека комбинацијата на две дози на вакцината „Соберана два“ и една доза „Соберана плус“ ги спречува симптомите на ковид-19 со ефикасност од 91,2 проценти во испитувањата извршени во три фази.
Кубанскиот центар за контрола на лекови и медицински помагала (CECMED) објави дека е издадено одобрение за употреба на двете вакцини.
Заедничките институции на Куба и Иран работеа на развојот на „Соберна два“.
Иран веќе одобри вакцина наречена „Пастерковак“.
Во јули, Куба ја одобри својата прва вакцина против ковид-19 „Абдал“.