МАЖИТЕ КОИ ПРЕЛЕЖАЛЕ КОРОНА имаат 3 пати поголем ризик од развој на еректилна дисфункција

31 март, 2021
141319_virus-5013059-1920_f

Ново истражување покажа дека мажите кои се заразиле Ковид-19 имаат трипати поголем ризик од развој на еректилна дисфункција.

Лекарите од Универзитетот во Рим прегледале 100 мажи со просечна возраст од околу 33 години и ги замолиле да пријават потенцијални проблеми со сексуалната функција. Девет проценти од оние кои немале Ковид изјавиле дека имаат потешкотии, но меѓу оние кои имале корона вирус, тој процент достигнал дури 28 проценти!

Истражувањето е објавено во списанието „Andrology“, а научниците објасниле дека се знае дека вирусите предизвикуваат воспаление во ендотелот – еднослојна клеточна обвивка што ги покрива внатрешните мембрани на нашите крвни садови. Артериите што ги снабдуваат гениталиите се мали и тесни, па секое воспаление може да го наруши протокот на крв и да го отежни сексуалниот одговор на мажот.

Најновите истражувања откриле дека на многу начини мажите поминуваат полошо од жените ако се заразат со Ковид-19 – тие имаат поголема веројатност да развијат посериозни симптоми и имаат 1,7 пати поголема веројатност да умрат. Некои експерти велат дека разликите во нивото на половите хормони естроген и тестостерон може делумно да ја објаснат оваа појава.

Од друга страна, жените имаат поголем ризик од развој на постковиден синдром и тешки и трајни последици од коронавирусот.

Во просек, жените во Велика Британија живеат 3,7 години подолго од мажите, дури и во моменти кога нема пандемија, а се верува дека естрогенот е клучен – го подобрува имунитетот кај жените и помага во заштита на кардиоваскуларниот систем. А високото ниво на тестостерон може да ги зголеми ризиците за кардиоваскуларниот систем, што е особено опасно доколку организмот го нападне корона вирусот.

Но, новото истражување нуди уште еден увид – не за тоа како половите хормони можат да ни помогнат во борбата против Ковид, туку за тоа како вирусот може да се меша во нивното производство, предизвикувајќи одредени несакани ефекти.

– Еден од бајпасните начини на кој вирусот влегува во организмот е неговото врзување со протеините кои се наоѓаат во прилично високи концентрации не само во белите дробови, туку и во репродуктивните органи – објаснува д-р Чан Џајесина, советник за репродуктивна ендокринологија и андрологија во болницата Хамерсмит во Лондон.

„Кога Ковид-19 ќе се поврзе со овие рецептори, тие повеќе не можат да ја извршуваат својата нормална функција“, додава.

Овие рецептори на ACE2 се наоѓаат низ целото тело и се најраспространети во белите дробови и кардиоваскуларниот систем, но нивното високо ниво е присутно и кај тестисите. Иако доказите се слаби, д-р Џајесина сугерира дека корона вирусот може да остави мажи со ниско ниво на тестостерон, но исто така и дека може да влијае на менструалниот циклус кај жените и менопаузата.

Преглед на 24 студии за врската помеѓу плодноста кај мажите и Ковид-19, објавени минатата година во World Journal of Men’s Health, покажа дека пациентите со умерена инфекција со Ковид имале значително пониски нивоа на сперматозоиди, дури и месеци по закрепнувањето., Во споредба со оние со лесна инфекција.

Но, што е на прво место – ниска концентрација на сперма или вирусна инфекција?

Набргу потоа, друга студија, објавена во списанието „The Aging Male“, покажа дека мажите со пониско ниво на тестостерон не само што можат да бидат изложени на поголем ризик за коронарна срцева болест, туку и дека вирусот навистина може да го намали нивото на тестостерон. Мајк Кирби, поранешен професор по општа пракса и уредник на публикацијата, посочува дека лекарите треба да бидат подготвени да го проверат нивото на тестостерон кај машки козични пациенти и, доколку е потребно, да обезбедат замена за тестостерон.

И покрај фактот дека претходните наводи може да бидат точни, сè уште не е јасно дали корона вирусот влијае на нивото на половите хормони повеќе од која било друга вирусна инфекција, посочува д-р Џајесина, додавајќи дека во секој случај, намаленото ниво на овие хормони може да биде само привремено.

„Ако сте имале сериозен грип, можеби ќе ви требаат неколку недели за да ви проработат тестисите како порано, понекогаш три месеци. Затоа мислам дека е разумно да се мисли дека слично сериозно заболување како и Ковид би го сторило истото”, заклучи докторот.