Мобилниот ви падна во вода? Експертите велат дека ова може да ви помогне (и не е ориз)!

13 април, 2021
96264c9d-494e-413d-a025-d161961bacf0

Ако вашиот мобилен телефон некогаш паднал во вода или сте го накапале со малку течност, не сте сами. Според порталот Science Alert, дури 25 проценти од корисниците на паметни телефони се соочиле со овој проблем.

За среќа, тоа не значи дека сте останале без мобилен телефон. Експертите советуваат да се обидете да го зачувате во неколку чекори.

1. Исклучете го уредот веднаш.

2. Ако вашиот мобилен телефон е водоотпорен, а вие сте го потопиле или го преплавиле со течност освен вода, експертите од Apple и Samsung препорачуваат да го исплакнете во чиста вода (но не директно под чешмата затоа што може да го оштетите).

3. Добро избришете го мобилниот телефон со хартиени крпи или мека крпа.

4. Нежно протресете го за да ја исцедите водата од отворот на полначот, но внимавајте да не го тресете премногу силно, бидејќи тоа може да ја натера течност подлабоко во внатрешноста на телефонот.

5. Извадете ја СИМ-картичката.

6. Користете компресиран аеросол за да ја издувате водата. Не го сушете мобилниот телефон со фен бидејќи топлината може да ги оштети гумените делови, како и екранот.

7. Исушете го мобилниот телефон, особено отворите за приклучоци пред вентилаторот.

8. Чувајте го вашиот мобилен телефон во херметички затворен сад исполнет со пакети силика гел (ова се пакетите што доаѓаат со нови чевли или чанти) или друго средство за сушење за да се апсорбира влагата.

9. Не полнете го телефонот додека не сте сигурни дека е целосно сув, бидејќи полнењето на уред што сè уште содржи течности може да предизвика дополнителна штета. Apple советува да почекате најмалку пет часа откако телефонот ќе ви изгледа сув.

Ако овие чекори не ви помогнат и вашиот мобилен телефон не може да се вклучи, не обидувајте се сами да го отворите, туку контактирајте сервисен центар за помош.