Морска храна со најмногу пластика

Љубителите на морски плодови можеби не се ни свесни дека јадат мали парчиња пластика додека ги јадат.

Мекотелите – како што се школки, остриги и ракови – собрани по должината на брегот на Азија содржеле најголеми количини на микропластика меѓу морските плодови, откриле истражувачите по преглед на 50 студии кои тестирале примероци наменети за исхрана на луѓето. Риби, ракови и ракчиња содржеле и честички од пластика, се вели во неодамна објавениот текст во списанието „Здравствени перспективи на животната средина“.

Парчиња микропластика се формираат со распаѓање на поголеми парчиња пластичен отпад што се фрла во вода или од микросфери додадени на производи за разубавување кои подоцна завршуваат во мозоци. Тие се помали од семето од сусам, според Националната управа за океани и атмосфера.

Истражувачите проценуваат дека 14 милиони тони микропластика можат да се најдат на дното на океанот, покажува студијата објавена минатата година во „Frontiers in Marine Science“.

Авторите на истражувањето пресметале дека максималната количина на микропластика што едно лице може да ја внесе во организмот од морска храна би била околу 55.000 честички годишно. Сепак, исто така е важно да се знае дека овој максимум на годишно ниво расте до 458.000 честички ако пиете вода од чешма и 3.569.000 ако пиете вода во шише, изјави водечкиот автор на студијата Евангелос Данопулос.

Кога станува збор за морска храна, мекотелите содржат најмногу микропластики меѓу морските плодови затоа што тие се „природен систем за филтрирање на океаните“ и затоа се особено ранливи на овој вид загадување, се забележува во извештајот. Ризикот е уште поголем бидејќи луѓето ги консумираат цели, додека кај рибите јадат само делови – жабрите и гастроинтестиналниот тракт содржат микропластика, но не и месо, напишале авторите.

И покрај сè, експертите сметаат дека луѓето не треба да престануваат да јадат морска храна, бидејќи тие се најздравите животински протеини на планетата.