НАПРАВЕНА ВАКЦИНА КОЈА 100% ШТИТИ ОД КОРОНА? Веднаш се пофалија со својот успех, но дали погрешија?

Вакцината, наводно, забележала одлични резултати

Кубанската вакцина против коронавирусот „Абдала“ покажа во текот на третата фаза на тестирање дека 100% штити од тешки форми на инфекција, објави агенцијата Пренса Латина, повикувајќи се на производителот.

– Податоците за ефикасноста се веќе добиени на крајот од третата фаза на клиничкото испитување (вакцина против коронавирус) „Абдала“. Резултатите се одлични – агенцијата ги цитира зборовите на директорката на Центарот за генетско инженерство и биотехнологија, производител на вакцини Марта Ајале.

Таа додаде дека групата на која се тестира ефикасноста на вакцината ќе се зголеми на 300.000 луѓе.

Претходно, Центарот за државна контрола на лекови, опрема и медицински инструменти на Куба одобри употреба на вакцината против вирусот на корона „Абдала“. Во втората половина на јуни, Куба објави дека го завршила клиничкото тестирање на препаратот, чијашто ефикасност била 92,28 проценти.