НАУЧНA СТУДИЈА ПОТВРДИЛА: Зошто е важна крвната група за Ковид-19 и кои луѓе се најмногу изложени на ризик?

По бројните студии за поврзаноста помеѓу корона вирусот и крвните групи, научниците во најновата студија се фокусираа на делот од вирусот кој се врзува за клетките домаќини, со цел да разберат како точно ги заразува луѓето.

Луѓето со одредени крвни групи можат полесно да се заразат со инфекција со Ковид 19, покажаа резултатите од новата научна студија, објавена во списанието Blood Advances на Американското здружение за хематологија. Особено, откриено е дека вирусот SARS-CoV-2 е особено привлечен од антигенот на крвната група А, кој се наоѓа на респираторните клетки.

Склоност да се поврзе со крвната група А.

Следејќи ги веќе спроведените студии, истражувачите сега се фокусираа на протеин на површината на вирусот SARS-CoV-2 наречен домен на врзување на рецепторот (RBD), кој е дел од вирусот кој се врзува за клетките домаќини. Ова ја прави важна цел за научниците кои се обидуваат да разберат како вирусот ги инфицира луѓето. Во оваа лабораториска студија, научниот тим оцени како SARS-CoV-2 RBD делува со респираторните и црвените крвни клетки во крвните групи А, Б и О. Резултатите покажаа дека SARS-CoV-2 RBD има силна склоност да се поврзе со крвна група А, која се наоѓа на респираторните клетки, но нема афинитет кон црвените крвни зрнца на крвната група А или другите крвни групи пронајдени на респираторните клетки.

-Крвната група е предизвик, бидејќи е наследна и не е нешто што можеме да го промениме. Но, ако можеме подобро да разбереме како работи вирусот со крвните групи кај луѓето, можеби ќе можеме да најдеме нови лекови или методи на превенција, вели д-р Шон Стоуел. Овие откритија, сами по себе, не можат целосно да опишат или предвидат како коронавирусот ќе влијае на пациентите со различни крвни групи, забележаа истражувачите. Научниците истакнуваат дека она што го дознаваат од студијата не е единствениот механизам одговорен за она што го гледаат клинички, но може да објасни дел од влијанието на крвната група врз инфекцијата на Ковид-19.

Според научниот тим, изборот на SARS-CoV-2 RBD да го препознае и поврзе антигенот на крвната група А, кој се наоѓа во белите дробови кај луѓето со крвна група А, може да обезбеди увид во потенцијалната врска помеѓу крвната група А и Ковид-19.

Интересно, вирусниот RBD навистина претпочита само вид на антиген на крвната група А, кој се наоѓа на респираторните клетки, и ова е, веројатно, начинот на кој вирусот влегува во повеќето пациенти и ги инфицира – објасни еден од авторите на студијата, др. Шон Стоуел од Brigham and Women’s Hospital во Бостон.

Ризици за крвната група А, Б и АБ

Претходните студии за односот помеѓу коронавирусот и крвната група на пациентот, исто така, покажаа дека луѓето со крвна група А се изложени на поголем ризик, додека луѓето со група О имаат само поблаги симптоми. Таа студија беше спроведена од 11 истражувачи во Данска, во октомври 2020 година, врз основа на податоци од 473.654 лица тестирани за ковид 19. Потоа беше откриено дека крвната група О е поврзана со намален ризик од инфекција со коронавирус, додека луѓето со крвна група А се покажа дека Б и АБ се изложени на поголем ризик од тромбоза – згрутчување на крвта во крвните садови, како и ризик од кардиоваскуларни заболувања.