НАУЧНИЦИ ОТКРИВУВААТ КАДЕ НАЈМНОГУ СЕ ЗАДРЖУВА КОРОНАВИРУСОТ: Успејаа да го поврзат тоа со еден необичен симптом!

Научници откриле дека коронавирусот изобилно се задржува во устата и се множи во плунката, предизвикувајќи заразените луѓе да го изгубат чувството за вкус.

Научниците ги објавија резултатите од новата студија во четвртокот, според која коронавирусот изобилно се задржува во устата, од внатрешната страна на образот, во непцата и плунковните жлезди. Откритието, објавено во списанието „Nature“, може да објасни зошто голем број заразени луѓе го губат чувството за вкус. Покрај тоа, тие докажаа дека устата може да биде значаен фактор во ширењето на инфекцијата.

„Кога ќе се проголта заразена плунка или вдишани честички, веруваме дека на овој начин SARS-CoV-2 може да се пренесе понатаму во грлото, белите дробови, па дури и во цревата“, изјави за CNN д-р Кевин Бирд, кој учествуваше во студијата.

Репродукција на вируси во клетките

Тестирањето со земање брисеви од устата од почетокот на пандемијата е вообичаено. Но, научниците досега не ја истражувале причинско-последичната врска, иако е познато дека устата, носот, синусите, грлото и белите дробови се поврзани и дека вирусот може да се прошири на овие делови од телото преку слуз кој се цеди или се искашла. „Се сомневавме дека барем дел од вирусот пронајден во плунката може да потекнува од заразено ткиво во устата“, рече научникот Блејк Ворнер.

Тие го тестирале ткивото од устата и откриле дека клетките пренесуваат рецептори што ги користи коронавирусот за да влезат во телото. Исто така ги тестирале ткивата од устата на луѓето кои починале од Ковид-19 и го пронашле вирусот во половина од примероците на плунковните жлезди. Кај луѓе без симптоми или со лесни симптоми, откриле дека клетките кои продираат од устата во плунката пренесуваат активна RNK, што укажува на тоа дека самиот вирус се размножува во клетките. Понатамошните експерименти откриле дека плунката исто така може да биде заразна.

Вирусот може да преживее во плунката

Врз основа на овие студии, тие беа во можност да го поврзат присуството на коронавирус во плунката со губење на чувството за вкус и мирис. Покрај тоа, тие пронајдоа докази дека некои луѓе кои се негативни по брис од нос, се позитивни на тест за брис од уста. „Ова покажува дека вирусот може да се исчисти од носната област, но може да преживее во плунка“, заклучиле истражувачите.