НЕ ПРАВЕТЕ ГО ТОА: Гладувањето е ОПАСНО, но исто така и бескорисно

Нутриционистката Витни Стјуарт вели дека повеќето диети имаат строги правила и се засноваат на идејата за помал внес на храна, броење калории, конзумирање храна во одредено време, а ваквите правила, смета таа, се едноставно неодржливи подолго време.

Идејата за лишување од храна, што е составен дел од многу диети, дава чувство на контрола над ситуацијата и луѓето кои се на ваква диета често размислуваат на начин: „Одлично, досега не сум јадела колачиња“, но самоконтролата е сè потешко да се одржи и наскоро тие почнуваат да размислуваат: „Јас не јадев колаче две недели! Заслужувам едно! “После тоа, тие се чувствуваат лошо затоа што не успеаја да се контролираат.

– Вие и вашиот квалитет не се определени од тоа што јадете. Овој вид на размислување е погрешен – изјави Стјуарт. Постојат работи што треба да се избегнуваат, како што е постојаното консумирање на нездрава брза храна, храна со висока концентрација на шеќер, како и големи количини на алкохол. Умереноста е најважна во сè!

– Сепак, не треба да промовираме диета заснована на лишување од храна како единствен начин да изгубите тежина, бидејќи има и други – објасни таа. Таа сугерира мали, но ефективни и долгорочни одржливи промени и наведува дека умереноста е најважна во сè. Проблемот со повеќето луѓе е што тие немаат трпеливост за промени за кои е потребно повеќе време, а кои, на долг рок, носат подобри резултати.