ОБЛЕКАТА ВИ СМРДИ НА ЧАД? Ослободете се од непријатниот мирис со помош на овој трик!

Мирисот на чад од скара, кој се лепи за облеката, е невозможно да се избегне и исто така е тешко да се отстрани. Експертите велат дека прекумерното перење облека не е добро за нејзината долготрајност, па доколку облеката е чиста, проветрете ја пред да ја ставите во машината за перење.

За брзо отстранување на мирисот на чад од облеката, се препорачува да ја закачите во бањата додека се туширате. Пареата ќе ги релаксира влакната на ткаенината и ќе ги „извлече“ несаканите мириси.

Друго брзо решение е домашен спреј за освежување на ткаенината. Дестилираниот оцет делува како природен дезодоранс. Измешајте го со вода и неколку капки етерично масло за попријатен мирис, а потоа испрскајте ја облеката.

Ако ја перете облеката во машина, обидете се прво да ја ставите во кеса со сода бикарбона и да ја оставите преку ноќ, бидејќи правот ќе помогне да се апсорбираат непријатните мириси. Потоа додадете половина чаша сок од лимон или вотка во машината. На тој начин, облеката ќе биде чиста и ќе мириса свежо.