Освежете ја кожата после морето: Природен пилинг од морска сол

30 август, 2021
cf72eb19938eef25c402dbb18fa30bf19cd11141 (2)

Морската сол има благ антисептички и антибактериски ефект, а во комбинација со некое етерично масло и билки, ќе ја направи кожата сјајна и подмладена. Експертите советуваат пилингот да се нанесува еднаш неделно за време на туширањето, доколку имате сува кожа, а кога е мрсна – двапати неделно.

Маска за кожа од морска сол и алое вера

Измешајте една лажица морска сол и гел од алое вера со 5 капки есенцијално масло од лаванда и направете фина смеса, која потоа ќе ја втриете во кожата со кружни движења, но не премногу силна. Обрнете посебно внимание на колената, лактите и стапалата, бидејќи кожата на тие делови е најсушна. После тоа, истуширајте се со млака вода, добро избришете го телото и нанесете го кремот што обично го користите.

Пилинг од морска сол

Алое вера ќе ја хидрира кожата, а лавандата е природен антисептик и ќе ја забрза циркулацијата. Пилингот може да се направи и на следниот начин: измешајте еднакви количини сол и масло од јојоба во стаклен сад, изрендајте кора од лимон, додадете неколку капки етерично масло по ваш избор сите состојки. Користете го на ист начин како и порано.

Пилинг за лице

Третирајте го лицето со малку помек пилинг, направен од три лажички морска сол (помал) и 100 мл маслиново масло. Правете пилинг еднаш неделно и наскоро ќе забележите дека кожата повторно стана мазна и има поздрав изглед. Нема да видите со голо око дека истовремено се храни со потребните минерали, но затоа другите ќе забележат дека изгледате посвежо. И тоа е токму заслугата на минералот.

Пилинг за раце со морска сол

За нега на раце, пробајте пилинг направен од чаша морска сол и половина чаша бебешко масло (можете да додадете и неколку капки есенцијално масло што најмногу ви се допаѓа, но не е потребно). Масирајте го во кожата навечер, пред спиење, а потоа исплакнете со млака вода и уживајте во мазноста на рацете.