Почитувајте ги вашите граници: Пет работи кои треба да ги имате на ум ако одите на ПРВ СОСТАНОК со некого

Она што е важно е како се чувствувате

Преку социјални мрежи сте запознале личност и договориле состанок, но не знаете на кои работи треба да обрнете внимание?

Излегувањето со личност што допрва треба да ја сретнеме може да биде доста возбудливо, но и непријатно.

Клиничкиот психолог Кристина Халет даде неколку совети што треба да ги имате предвид ако се преселите од онлајн состаноци на вашата прва средба во живо.

1. Фокус

Се разбира, ќе бидете нервозни пред да ја запознаете таа личност за прв пат. Одвојте малку време да се фокусирате пред да ја запознаете.

– Земете неколку длабоки вдишувања и препуштете се на чувството на отвореност и искреност. Не заборавајте дека ова е ваш прв состанок и дека треба да се забавувате – објаснува д-р Халет.

2. Бидете доследни

Дали сте размислувале за вашите стандарди кога станува збор за врските? Ако сфатите дека таа личност не ги исполнува вашите стандарди, тогаш таа личност не е за вас. Не очекувајте дека ќе се промени поради вас.

3. Внимавајте на црвените знамиња

Внимателно слушајте го соговорникот и не дозволувајте возбудата од првиот состанок да ве обземе. Само обидете се да бидете свесни за какви било црвени знамиња кои можат да бидат поврзани со теми за кои не преговарате.

– Обрнете внимание на тоа што таа личност вели дека сака. Ако таа личност не сака сериозна врска, а вие сакате, тогаш не сте едни за други – додава Халет.

4. Размислете за тоа како се чувствувате

Ако сте премногу возбудени за првиот состанок, може да го засените вашето мислење за таа личност.

– Ако сте фокусирани на обидот да ја задоволите или импресионирате, нема да успеете – објаснува Халет.

Наместо да се обидувате да ја импресионирате таа личност на првиот состанок, само бидете она што сте и забележете како се чувствувате покрај таа личност. Ако се чувствувате пријатно и уживате во тоа, тоа е добра вест.

5. Чувајте ги вашите граници

Без оглед на ограничувањата што ги поставивте, не дозволувајте таа личност да ги надминува.

Имајте на ум дека немате никакви обврски кон таа личност и дека не сте обврзани да возвратите ако тие покажат интерес за вас.