ПОИНАКОВ ПОГЛЕД НА СЛАБЕЕЊЕТО: Психолозите истакнуваат дека причината за неуспехот е повеќе од очигледна

Ако се чувствувате виновни за вашата исхрана, можно е да сте под влијание на диетата. Психолозите наведуваат дека постојат причини зошто никогаш не треба да држите диета.

Идејата дека луѓето не успеваат во диетите поради недостаток на ментална сила е чест мит, велат експертите. Имено, кога сте на диета, храната ви е попривлечна, а истовремено има проблем и со забавување на метаболизмот бидејќи телото наоѓа начин да функционира со помалку калории, па затоа во организмот се складираат повеќе остатоци . Затоа не е изненадување што студиите покажуваат дека 95 проценти од луѓето не успеваат во држењето диети.

Има проблем со самата идеја за слабеење како цел, бидејќи врзувањето на среќата со нешто надворешно е рецепт за незадоволство. Луѓето сакаат да бидат слаби поради значењето што им го придаваат, затоа што се фокусираат на нешто опипливо за кое лажно веруваат дека можат да го контролираат.

Наместо тоа, психолозите советуваат луѓето да го прифаќаат телото какво што е без опсесија со броење калории, телесни масти и читање книги за диети, што одзема многу време од поважни работи.

Можно е да се сметате себеси за дебели, но да сте всушност здрави. Може да бидете слаби, но не и здрави. Тежината не е добар показател за мерење на целокупното здравје. Повеќето здравствени индикатори можат да се подобрат со промена на однесувањето во исхраната, без оглед на телесната тежина. Секако, ограничувањата во исхраната и слабеењето не се одговорот на она што го бараме.

Слабеењето не е работа во вашиот живот, а броењето калории не е повик за вашата душа. Сигурно сте предодредени за нешто многу подобро, многу поголемо, отколку да изгубите 10 килограми или да пресметате калории.